Offerynnau Statudol sydd ag Adroddiadau Clir

03 Mawrth 2025

SL(6)583 – Rheoliadau Cwmnïau RTM (Erthyglau Enghreifftiol) (Cymru) (Diwygio) 2025

Gweithdrefn: Gwneud Negyddol

Mae Rheoliadau Cwmnïau RTM (Erthyglau Enghreifftiol) (Cymru) (Diwygio) 2025 (“y Rheoliadau”) yn diwygio Rheoliadau Cwmnïau RTM (Erthyglau Enghreifftiol) (Cymru) 2011 (“Rheoliadau 2011”) i wneud newidiadau i’r erthyglau enghreifftiol rhagnodedig ar gyfer cwmnïau Hawl i Reoli (“RTM”).

Yn benodol, yn dilyn newid i'r meini prawf cymhwyso Hawl i Reoli a wneir yn Neddf Diwygio Cyfraith Lesddaliad a Rhydd-ddaliad 2024, mae’r Rheoliadau’n diwygio'r dull y dyrennir hawliau pleidleisio er mwyn diogelu gallu tenantiaid sy’n aelodau o gwmni RTM i arfer mwyafrif dros landlordiaid sy'n aelodau o gwmni RTM.

Yn unol â rheoliad 2(2) o Reoliadau 2011, bydd yr erthyglau diwygiedig yn cael effaith ar gyfer cwmni RTM p'un a gânt eu mabwysiadu gan y cwmni ai peidio.

Rhiant-Ddeddf: Deddf Cyfunddaliad a Diwygio Cyfraith Lesddaliad 2002

Fe’u gwnaed ar: 06 Chwefror 2025

Fe’u gosodwyd ar: 10 Chwefror 2025

Yn dod i rym ar: 03 Mawrth 2025